Fitch Тошкент шаҳрининг “барқарор” рейтингини тузишда давом этади 

Халқ депутатлари Тошкент шаҳар кенгаши қарори билан Fitch Ratings яна шаҳарнинг рейтингини тузишда давом этадиган бўлди. 

Қарор билан Тошкент шаҳар ҳокимлигининг Тошкент шаҳрини халқаро рейтингдаги ўрнини аниқлаш бўйича Fitch Ratings агентлигини жалб этиш тўғрисидаги таклифи маъқулланди. Тошкент шаҳар ҳокимининг ўринбосарлари шаҳарнинг халқаро рейтингдаги ўрнини аниқлаш бўйича Fitch Ratings агентлиги билан келишув битимини имзолаш масаласи юзасидан тегишли чораларни кўриши белгиланди. 

Тошкент шаҳар ҳокимининг биринчи ўринбосари Тошкент шаҳар Иқтисодиёт ва молия бош бошқармаси рейтинг агентлиги билан имзоланиши кўзда тутилаётган келишув битими талабларига асосан ўрнатилган тартибда Тошкент шаҳар маҳаллий бюджетининг қўшимча манбалари ҳисобидан маблағлар ажратади.