Республика шошилинч тиббий ёрдам илмий маркази Қашқадарё филиалида яна 3 нафар беморда ишлаб турган юракда ноёб кардиологик операциялар бажарилди. Бу ҳақда вилоят ССБ ахборот хизмати хабар берди.
Маълум қилинишича, Қарши туманида яшовчи 52 ёшли аёл М.М.да “Маммар-коронар шунтлаш. 1 шунт”, Қамаши туманида яшовчи 65 ёшли аёл Н.М.да “Аорта-коронар шунтлаш. 2 шунт” операциялари муваффақиятли ўтказилди.
Қарши туманида яшовчи 67 ёшли эркак Р.Ф.да эса жараён анча мураккаброқ кечди. Унда “Ўнг томон ички уйқу артерияси эндаректомияси” деб номланган ноёб жарроҳлик амалиёти ўтказилди. Бу операция бош мияни қон билан таъминловчи уйқу артериялари 70 фоизга ва ундан кўпроқ торайганда ва бош мияда ишемик инсульт ривожланиш хавфи юқори бўлган вақтда бажарилиши билан аҳамиятлидир.
Операциялар марказ ва филиал кардиожарроҳлари томонидан амалга оширилди. Айни пайтда беморларнинг аҳволи яхши.
Изоҳ (0)