Хитойнинг Чжэцзян провинциясидаги шосседа автоцистернанинг портлаши оқибатида 19 киши ҳалок бўлди, 172 киши жароҳат олди. Бу ҳақда маҳаллий ҳукуматга таяниб, CGTN телеканали хабар берди.
Воқеа жойида қутқарув-қидирув ишлари амалга оширилмоқда, жароҳат олганларнинг барчаси шифохонага ётқизилган.
Маълумотларга кўра, жароҳат олганларни даволашга 630 нафар тиббиёт ходими жалб этилган. Атроф-муҳитнинг ифлосланиш ҳолати қайд этилмаган. Кўнгилсиз ҳодиса юзасидан тергов ишлари олиб борилмоқда.
#Breaking: An oil tanker exploded close to the exit of a highway in Wenling, E.#China's #Zhejiang Province and the explosion affected surrounding houses and vehicles, causing casualities: report pic.twitter.com/hHGIfrmfII
— Global Times (@globaltimesnews) June 13, 2020
Дастлабки тахминларга кўра, ичида суюлтирилган газ бўлган цистерна ортилган юк машинаси тезюрар шосседа портлаб кетган. Портлаш тўлқини оқибатида цистерна ҳавога учиб кетиб, бир неча юз метр наридаги завод бинолари яқинига бориб тушган. Натижада иккинчи портлаш юзага келган.
Изоҳ (0)