НАТОнинг Европадаги собиқ олий қўмондони, истеъфодаги АҚШ ҳарбий-денгиз кучлари адмирал Жеймс Ставридис Хитой “тахминан 10 йил давомида” АҚШ билан эҳтимолий урушга тайёр бўлмаслигини айтди. Бу ҳақда Newsweek хабар берди.
Жанубий Хитой денгизидаги ҳудудий келишмовчиликлар бўйича кескинлик бошқа жаҳон урушига айланиб кетиши мумкинми, деган саволга у АҚШ ва унинг минтақавий иттифоқчиларига Хитой билан эҳтимолий урушга тайёргарлик кўриш учун 10 йиллик “имтиёзли давр” борлигини айтди.
АҚШ ва Хитой муносабатлари Тайван бўғозининг сувларида Америка ва минтақавий иттифоқчиларнинг ҳарбий фаолияти туфайли кескинлашди.
“Хитой улкан флот қураётган бўлса ҳам, агрессив ҳаракат қилса ҳам, ҳали тайёр эмас. Агар Хитой билан урушаётган бўлсак, бу фақат АҚШ ва Хитой ўртасида бўлмас эди. Бизнинг шартнома бўйича иттифоқчиларимиз борки, улар келиб, шунга ўхшаш ҳарбий кампанияда қатнашишга қасамёд қилган. Япония, Жанубий Корея, Филиппин, Австралия, Янги Зеландия”, — деди Ставридис.
НАТО собиқ қўмондонининг таъкидлашича, бу жуда катта куч.
“Менинг фикримча, Хитой тахминан 10 йил давомида АҚШ билан тўқнашишга тайёр бўлмайди. Шунинг учун бизда армиямизни кучайтиришимиз мумкин бўлган маълум бир давр бор. Шунингдек, муносабатлардаги кескинликни юмшатиш учун дипломатиядан ва бошқа барча воситалардан фойдаланишга ҳаракат қилинг”, — деди у.
Хитой ҳарбий-денгиз кучларининг истеъфодаги контр-адмирали Ян I ҳам Хитой АҚШ билан урушга тайёр эмаслигини таъкидлаб, Хитой армияси “қудратли ва кучли” бўлиб, “турли сценарийларга тайёр бўлиши” кераклигини айтди.
Изоҳ (0)