Япония автосаноати гиганти Toyota автомобиллар хавфсизлиги бўйича 30 йил давомида ўтказилган тестлар сохталаштирилгани маълум бўлгач, автомобиль ишлаб чиқаришни тўхтатганини эълон қилди.
Ўтган ҳафта маълум бўлишича, мустақил аудит натижалари 64 та русумдаги автомобиллар, жумладан Toyota хавфсизлик тестларида қоидабузарликлар ва сохталаштиришлар мавжудлигини кўрсатган, деб ёзади CNN компания вакилларига таяниб.
Япониянинг Toyota компаниясига тегишли Daihatsu автомобиль ишлаб чиқарувчиси барча маҳаллий ва халқаро автомобиль етказиб беришни вақтинча тўхтатиб туришини ва бундан кейинги қадамлар ҳақида расмийлар билан маслаҳатлашишини хабар қилди.
Daihatsu ушбу транспорт воситаларининг хавфсизлиги ва экологик кўрсаткичлари қонуний стандартларга мос келишини таъминлаш учун индивидуал техник текширувлар ва ҳақиқий синовларни ўтказади, деб таъкидлади компания.
Автомобиль ишлаб чиқариш ва бозорларга етказиб беришнинг вақтинча тўхтатилиши камида кейинги ой охиригача давом этади. Ишлаб чиқаришнинг тўхтатилиши заводлардаги тўққиз минг ишчига таъсир қилади.
Изоҳ (0)