Санкт-Петербург шаҳридаги МДҲ норасмий саммити доирасида Шавкат Мирзиёев ва Владимир Путиннинг учрашуви бўлиб ўтди. Бу ҳақда Президент матбуот хизмати хабар берди.
Қайд этилишича, учрашувда 5-7 октябрь кунлари Россияга амалга оширилган олий даражали ташриф якунида эришилган келишувларни рўёбга чиқариш масалаларига алоҳида эътибор қаратилган.
Товар айирбошлашнинг ўсиш суръатини сақлаб қолиш ҳамда истиқболли кооперация лойиҳаларини илгари суриш мақсадида яқин идоралараро мувофиқлашув ва амалий ҳамкорликни, шу жумладан, икки мамлакат ҳудудлари даражасида таъминлаш муҳимлиги қайд этилган.
Шунингдек, минтақавий кун тартиби юзасидан ҳам фикр алмашилган.
Шавкат Мирзиёев Россия президенти билан икки томонлама учрашувдан сўнг, амалий ташрифини якунлаб, “Пулково” халқаро аэропортидан Тошкентга жўнаб кетди.
.jpg)
Аввалроқ Шавкат Мирзиёев 26 декабрь куни Санкт-Петербург шаҳрида МДҲга аъзо давлатлар раҳбарларининг норасмий учрашувида иштирок этгани тўғрисида хабар берилганди.
Изоҳ (0)