Sankt-Peterburg shahridagi MDH norasmiy sammiti doirasida Shavkat Mirziyoyev va Vladimir Putinning uchrashuvi bo‘lib o‘tdi. Bu haqda Prezident matbuot xizmati xabar berdi.
Qayd etilishicha, uchrashuvda 5-7-oktyabr kunlari Rossiyaga amalga oshirilgan oliy darajali tashrif yakunida erishilgan kelishuvlarni ro‘yobga chiqarish masalalariga alohida eʼtibor qaratilgan.
Tovar ayirboshlashning o‘sish surʼatini saqlab qolish hamda istiqbolli kooperatsiya loyihalarini ilgari surish maqsadida yaqin idoralararo muvofiqlashuv va amaliy hamkorlikni, shu jumladan, ikki mamlakat hududlari darajasida taʼminlash muhimligi qayd etilgan.
Shuningdek, mintaqaviy kun tartibi yuzasidan ham fikr almashilgan.
Shavkat Mirziyoyev Rossiya prezidenti bilan ikki tomonlama uchrashuvdan so‘ng, amaliy tashrifini yakunlab, “Pulkovo” xalqaro aeroportidan Toshkentga jo‘nab ketdi.
.jpg)
Avvalroq Shavkat Mirziyoyev 26-dekabr kuni Sankt-Peterburg shahrida MDHga aʼzo davlatlar rahbarlarining norasmiy uchrashuvida ishtirok etgani to‘g‘risida xabar berilgandi.
Izoh (0)