АҚШ собиқ президенти Дональд Трамп сайловдаги рақиби, Американинг амалдаги етакчиси Жо Байденни ғирромчи деб атади ва Байден туфайли Рождество байрамини ўтказиш қийин бўлганини ёзди.
“Сиёсий рақибини панжара ортига қўймоқчи бўлган ғирромчи ва лаёқатсиз президент бор экан, Рождествони чинакамига ажойиб ўтказиш қийин”, — деди Трамп Truth Social нашрига.
Унинг таъкидлашича, Байден ўз мақсадига эришиш учун “кўп тер тўкмоқда”.
Аввалроқ Байденнинг рейтинги тезда пасайишда давом этаётгани хабар қилинганди.
Яқинда рейтинг рекорд даражадаги 40 фоизга тушиб кетди: сўровномалар шуни кўрсатдики, бу Яқин Шарқдаги уруш билан боғлиқ. Қайд этилишича, ҳатто Америка етакчиси тарафдорларининг салмоқли қисми унинг Исроил—Фаластин можаросидаги сиёсатини қўллаб-қувватламайди.
Изоҳ (0)