Бразилия терма жамоаси халқаро мусобақалардан четлатилиши мумкин.
ESPN нашри хабарига кўра, ФИФА ва Жанубий Америка футбол конфедерацияси (КОНМЕБОЛ) 24 декабрь куни Бразилия футбол конфедерациясига (CBF) ташкилот раҳбариятидаги эҳтимолий ўзгаришлар юзасидан қўшма хат юборган.
Рио-де-Жанейро суди CBF президенти Эдналдо Родригес ва у томонидан тайинланган амалдорларни ўтган йилги сайловларда қонунбузарликлар сабабли 7 декабрь куни лавозимидан четлатганди. Бразилиянинг икки олий суди қарорни ўз кучида қолдирди. Олий спорт суди раҳбари 30 иш куни ичида Бразилия футбол конфедерацияси президенти учун янги сайловлар ўтказишини талаб қилди.
ФИФА ва КОНМЕБОЛ сайлов жараёнини кузатиш учун 8 январь куни Бразилияга бориши ҳақида CBF’ни огоҳлантирди. Бу вақтга қадар конфедерация раҳбариятдаги ўзгаришлар бўйича ҳеч қандай қарор қабул қилиши мумкин эмас.
Изоҳ (0)