“Палмейрас” кетма-кет иккинчи марта Бразилия чемпионига айланди

Футбол бўйича Бразилия чемпионати ўз якунига етди.

“Палмейрас” жамоаси сўнгги турда “Крузейро” билан 1:1 ҳисобида дуранг ўйнади ва чемпионликни расмийлаштирди. Сан-Паулу клуби 70 очко жамғаришга муваффақ бўлди. Иккинчи ўринни эгаллаган “Гремио”да эса 68 очко бор. 

Қайд этиб ўтиш жоиз, “Палмейрас” кетма-кет иккинчи марта, умумий ҳисобда 12 марта турнирда ғалаба қозонмоқда. Бу борада у етакчи ҳисобланади. “Сантос” шу вақтга қадар 8 марта, “Коринтианс” ва “Фламенго” 7 мартадан Бразилия чемпионатида зафар қучган.

Бир вақтлар Пеле ва Неймар тўп сурган “Сантос” эса ўз тарихида илк бор қуйи дивизионга тушиб кетди. Жамоа 43 очко билан 17-ўринни эгаллади.