Шавкат Мирзиёев 24 декабрь куни Озарбайжон президенти Илҳом Алиевни туғилган куни билан табриклади.
--G7kaFnr.jpg)
Президент матбуот хизматининг хабар қилишича, икки давлат раҳбари ўзаро телефон орқали мулоқот қилди. Шавкат Мирзиёев Озарбайжон етакчисини таваллуд куни билан табриклаб, қардош озарбайжон халқига фаровонлик ва равнақ тилади.
Президент Илҳом Алиевнинг бугунги Озарбайжоннинг ҳудудий яхлитлиги ва шиддатли тараққиётини таъминлашдаги шахсий ҳиссаси ва тарихий ўрни алоҳида қайд этди.
Давлат раҳбарлари Ўзбекистон—Озарбайжон муносабатларида юксак даражага — стратегик шерикликка эришилганини катта мамнуният билан таъкидлади. Ўзбекистон ва Озарбайжон етакчилари икки томонлама муносабатларни жадал ривожлантириш йилида амалий ҳамкорликнинг 10 та янги йўналишини шакллантиришга келишиб олди.
Шунингдек, 2024 йилга мўлжалланган тадбирлар режаси кўриб чиқилди. Ўзбекистон президенти Озарбайжон раҳбарига ушбу мамлакатда бўлажак президент сайлови муваффақиятли ўтказилишини тилади.
Изоҳ (0)