Shavkat Mirziyoyev Ilhom Aliyevni tug‘ilgan kuni bilan tabrikladi

Shavkat Mirziyoyev 24-dekabr kuni Ozarbayjon prezidenti Ilhom Aliyevni tug‘ilgan kuni bilan tabrikladi.

Prezident matbuot xizmatining xabar qilishicha, ikki davlat rahbari o‘zaro telefon orqali muloqot qildi. Shavkat Mirziyoyev Ozarbayjon yetakchisini tavallud kuni bilan tabriklab, qardosh ozarbayjon xalqiga farovonlik va ravnaq tiladi.

Prezident Ilhom Aliyevning bugungi Ozarbayjonning hududiy yaxlitligi va shiddatli taraqqiyotini ta’minlashdagi shaxsiy hissasi va tarixiy o‘rni alohida qayd etdi.

Davlat rahbarlari O‘zbekiston—Ozarbayjon munosabatlarida yuksak darajaga — strategik sheriklikka erishilganini katta mamnuniyat bilan ta’kidladi. O‘zbekiston va Ozarbayjon yetakchilari ikki tomonlama munosabatlarni jadal rivojlantirish yilida amaliy hamkorlikning 10 ta yangi yo‘nalishini shakllantirishga kelishib oldi.

Shuningdek, 2024-yilga mo‘ljallangan tadbirlar rejasi ko‘rib chiqildi. O‘zbekiston prezidenti Ozarbayjon rahbariga ushbu mamlakatda bo‘lajak prezident saylovi muvaffaqiyatli o‘tkazilishini tiladi.