Шавкат Мирзиёев ва Илҳом Алиев Ўзбекистон ва Озарбайжон ўртасида Олий давлатлараро кенгаш ташкил этиш тўғрисидаги шартномани имзолади, деб хабар бермоқда Президент матбуот хизмати.
.jpg)
22 август куни икки давлат раҳбари ўртасида олий даражадаги музокаралар бўлиб ўтганди. Сўнг икки мамлакат расмий делегациялари иштирокида кенгайтирилган таркибда давом этганди. Музокаралар якунлангач, икки томонлама ҳужжатларни имзолаш маросими бўлди.
Ташриф доирасида давлатлар, ҳукуматлар ва идоралар даражасида 15 та ҳужжат қабул қилинди.
2023—2024 йилларда ҳар томонлама стратегик шерикликни чуқурлаштириш бўйича “йўл харитаси”, энергетика соҳасидаги ҳамкорликни янада чуқурлаштириш тўғрисида, ёшларга оид сиёсат ва спорт соҳаларидаги ҳамкорлик тўғрисидаги битимлар, Медиа соҳасидаги ҳамкорликни ривожлантириш бўйича “йўл харитаси” шулар жумласидан.
Энергетика соҳасидаги ҳамкорликни ривожлантириш, жумладан, энергияни ташиш, газ қувурлари ва электр тармоқларини қуриш ҳар икки давлатга ҳам манфаат келтириши мумкин.
Бундан ташқари, Фуқароларнинг визасиз қатновлари тўғрисидаги битимга ўзгартириш ва қўшимчалар киритилди, “Э-пермит” рухсатнома бланкларини электрон алмашиш ахборот тизимини жорий қилиш, оила ва болаларни муҳофаза қилиш, озиқ-овқат хавфсизлиги борасида ҳамкорлик қилиш бўйича келишувларга эришилди ҳамда Хавфсизлик кенгашлари котибиятлари ўртасидаги, киберхавфсизлик соҳасидаги ҳамкорлик тўғрисида меморандумлар имзоланди.
.jpg)
Хабарда қайд этилишича, ушбу ҳужжатлар Ўзбекистон ва Озарбайжон ўртасидаги муносабатларнинг бир қатор истиқболли йўналишларида амалий ҳамкорликни кенгайтиришга хизмат қилади.
Изоҳ (0)