Англиялик миллиардер “Манчестер Юнайтед”нинг 25% акциясини сотиб олди

Британиялик тадбиркор Жим Ретклифф “Манчестер Юнайтед” аксионерига айланди.

Клуб 25% акцияларини Ретклиффга сотиш бўйича келишувга эришганлигини маълум қилди. Битим 1,25 миллиард фунтга баҳоланган.

Хабар қилинишича, Премьер Лига билан келишувга эришилгунча 6-7 ҳафтагача вақт кетади. 

Ретклиффга тегишли бўлган Ineos компанияси “Юнайтед”нинг футбол фаолияти учун жавобгар бўлади. Улар клубга 300 миллион доллар сармоя киритиш ниятида.

Жим Ретклифф — Ineos кимё компаниясининг раҳбари. Унинг бойлиги 29,6 миллиард фунт стерлингга баҳоланиб, Буюк Британиядаги энг бой одамлар ичида 2-ўринни эгаллаб турибди.

“Қизил иблислар” Англия Премьер Лигасида 28 очко билан 8-ўринни эгаллаб турибди.