Миллий спорт мукофоти-2023. Спорт соҳасида йилнинг энг яхшилари тақдирланди

Ўзбекистон спортида энг яхшиларни тақдирлаш учун “Миллий спорт мукофоти-2023” тақдирлаш маросими бўлиб ўтди.

Тадбир аввалида йил давоми фаол ишлаган қуйидаги спорт мактаблари тақдирланди:

Энг яхши спорт мактаблари:

1. Навоий шаҳар 1-сон спорт мактаби;
2. Бухоро туман спорт мактаби;
3. Хонқа тумани спорт мактаби;
4. Миробод тумани 1-сон спорт мактаби.

Энг яхши ихтисослаштирилган спорт мактаблари:

1. Самарқанд вилояти яккакураш спорт турларига ихтисослаштирилган спорт мактаби;
2. Фарғона вилояти спортнинг ўйин турлари ва енгил атлетикага ихтисослаштирилган спорт мактаби;
3. Тошкент шаҳар сув спорти турларига ихтисослаштирилган спорт мактаби;
4. Наманган вилояти гимнастика спорт турларига ихтисослаштирилган спорт мактаби.

Тадбирнинг биринчи блокидан жой олган номинацияларнинг ғолиблари билан танишинг:

Йил кашфиёти: Зиёдахон Абдусатторова (камондан отиш);

Йилнинг энг яхши ёш спортчиси: Гулистан Пердибаева (қиличбозлик);

Юксалаётган федерация: Ўзбекистон Rowing&Canoe федерацияси;

Йилнинг энг яхши ҳаками: Дмитрий Ким (таэквондо WТ);

Навбатдаги номинацияларнинг ғолиблари билан танишинг:

Йилнинг энг яхши спорт шифокори: Сардор Парпиев (МОҚ қошидаги Республика спорт тиббиёти илмий-амалий маркази шифокори);

Йилнинг энг яхши Олимпия ва Паралимпия спорт турларига тайёрлаш маркази: Республика Олимпия ва Паралимпия спорт турларига тайёрлаш маркази;

Йилнинг энг яхши спорт фотографи: Анвар Ильясов (“Дунё” АА фотографи);

Олимпизм тарғиботи йўлидаги узоқ йиллик хизматлари учун: Гулноза Аҳмадалиева (Олимпия ва Паралимпия шон-шуҳрати музейи директори);

Ноолимпия спорт турларида йилнинг энг яхши терма жамоаси: Кураш бўйича Ўзбекистон терма жамоаси;

Йилнинг энг фаол спорт жамияти: Ўзбекистон касаба уюшмалари федерацияси спорт жамияти.

Учинчи блокдан жой олган қуйидаги номинацияларда ғолиблар аниқланди:

Йилнинг энг фаол спорт блогери: Фарруҳ Муҳиддинов (“Бугун спорт” инстаблоги асосчиси);

Йилнинг энг яхши спорт журналисти: Абдуазиз Қурбонов “SPORТ” телерадиоканали мухбири;

Олимпия ҳаракатини қўллаб-қувватлашга қўшган ҳиссаси учун: “Навоий КМК” АЖ;

Соғлом турмуш тарзини қўллаб-қувватлашдаги хизматлари учун: Ўзбекистон Республикаси Адлия вазирлиги;

Соғлом турмуш тарзини қўллаб-қувватлашдаги хизматлари учун (хусусий сектор): “BeFit” жамоаси.

Тўртинчи блок Паралимпия спортига бағишланди:

Йилнинг энг яхши ёш паралимпиячиси: Шахина Йигиталиева (пара енгил атлетика);

Йилнинг энг яхши пара спорт мураббийи: Дилшод Йўлдошев (пара каноэ);

Йилнинг энг яхши пара спорт клуби: Сув спорти турлари клуби;

Йилнинг энг яхши пара терма жамоаси: Пара енгил атлетика бўйича Ўзбекистон терма жамоаси;

Паралимпия ҳаракатини қўллаб қувватлашга қўшган ҳиссаси учун: “Олмалиқ КМК” АЖ.