Қашқадарёда Damas томига одам чиқариб олган ҳолда ҳаракатланган ҳайдовчи жавобгарликка тортилди. Бу ҳақда ИИВ ЙҲХХ ахборот хизмати хабар берди.
Ижтимоий тармоқларда Damas русумли автомобиль ҳайдовчиси бошқарувидаги транспорт воситасининг тепа қисмида ўрнатилган юкхонага одам чиқариб олган ҳолда Шаҳрисабз кўчалари бўйлаб ҳаракатлангани акс этган видео тарқалиб, кенг жамоатчилик томонидан ҳақли эътирозларга сабаб бўлди.
Видео Қашқадарё вилояти ИИБ ЖХХ ЙҲХБ масъул ходимлари томонидан ўрганилиб, қоидаларни четлаб ўтган ҳайдовчига нисбатан ўрнатилган тартибда чора кўрилган. Шунингдек, ҳайдовчига Йўл ҳаракати қоидаларида белгиланган тартиб ва меъёрлар бўйича тушунтириш берилган.
Аввалроқ Фарғонада ҳаракатдаги Spark томига чиқиб олган йигитлар 5 суткага қамалгани тўғрисида хабар берилганди. Шунингдек, 2023 йилнинг ноябрь ойида Тошкент вилояти Оққўрғон туманида куёв келинни вертолётда олиб кетгани акс этган видео тарқалиб, кўплаб муҳокамаларга сабаб бўлган эди.
Изоҳ (0)