Farg‘onada harakatdagi Spark ustiga chiqib olgan yigitlar javobgarlikka tortildi. Bu haqda Farg‘ona viloyati IIB axborot xizmati xabar berdi.
Ijtimoiy tarmoqlarda Farg‘onadagi to‘yda bir necha yigit harakatlanib ketayotgan Spark ustiga chiqib olgani aks etgan video tarqaldi.
Viloyat IIBga ko‘ra, mazkur mashina haydovchisi va yigitlar qo‘lga olinib, javobgarlikka tortilgan. Shuningdek, voqeada ishtirok etgan boshqa yigitlar ham qilgan ishidan pushaymon ekanini aytib, kechirim so‘ragan.
Jinoyat ishlari bo‘yicha Uchko‘prik tumani sudida mazkur huquqbuzarlik ko‘rib chiqilgan. Sud qaroriga ko‘ra, uch nafar yigitga Ma’muriy javobgarlik to‘g‘risidagi kodeksning tegishli moddalari bilan 5 sutkadan maʼmuriy qamoq jazosi tayinlandi.
Eslatib o‘tamiz, 2022-yilda Surxondaryo viloyati Termiz shahrida Malibu lyukidan tanasini chiqarib, raqsga tushgan ayollarga nisbatan 15 sutka ma’muriy qamoq jazosi tayinlangandi. Shuningdek, 2023-yilning noyabr oyida Toshkent viloyati Oqqo‘rg‘on tumanida kuyov kelinni vertolyotda olib ketgani aks etgan video tarqalib, ko‘plab muhokamalarga sabab bo‘lgan edi.
Izoh (0)