Qashqadaryoda Damas tomiga odam chiqarib olgan holda harakatlangan haydovchi javobgarlikka tortildi. Bu haqda IIV YHXX axborot xizmati xabar berdi.
Ijtimoiy tarmoqlarda Damas rusumli avtomobil haydovchisi boshqaruvidagi transport vositasining tepa qismida o‘rnatilgan yukxonaga odam chiqarib olgan holda Shahrisabz ko‘chalari bo‘ylab harakatlangani aks etgan video tarqalib, keng jamoatchilik tomonidan haqli eʼtirozlarga sabab bo‘ldi.
Video Qashqadaryo viloyati IIB JXX YHXB masʼul xodimlari tomonidan o‘rganilib, qoidalarni chetlab o‘tgan haydovchiga nisbatan o‘rnatilgan tartibda chora ko‘rilgan. Shuningdek, haydovchiga Yo‘l harakati qoidalarida belgilangan tartib va meʼyorlar bo‘yicha tushuntirish berilgan.
Avvalroq Farg‘onada harakatdagi Spark tomiga chiqib olgan yigitlar 5 sutkaga qamalgani to‘g‘risida xabar berilgandi. Shuningdek, 2023-yilning noyabr oyida Toshkent viloyati Oqqo‘rg‘on tumanida kuyov kelinni vertolyotda olib ketgani aks etgan video tarqalib, ko‘plab muhokamalarga sabab bo‘lgan edi.
Izoh (0)