Кино актёрлар ҳам оилалари билан кўпроқ вақт ўтказишни хоҳлайди. Ушбу мақолада биз турли сабабларга кўра экранлардан ғойиб бўлган, аммо кейин кинога муваффақият билан қайтган истеъдодли актёр ва актрисалар ҳақида маълумот берамиз.
Жейн Фонда
“Стэнли ва Айрис” фильмида роль ўйнагач, актриса деярли 15 йил давомида экранлардан ғойиб бўлди. Кейин у турмушга чиқди ва оилавий ташвишларга ўралашиб қолди. Аммо 2001 йилда Фонда эри билан ажрашди ва яна кинога қайтди.
Узоқ танаффусдан кейин унинг биринчи катта роли “Ўжар қайнона” фильмида бўлган. Актриса бугунги кунда ҳам роль ўйнашда давом этмоқда. 2023 йил май ойида Фонда иштирокида “Китобхонлар клуби” фильмининг давоми — “Китобхонлар клуби: Янги бўлим” чиқди.
Линдси Лоҳан
Линдси 2000 йилларнинг култ комедияларида бир нечта ролларни ўйнаган: “Ота-оналар учун тузоқ”, “Қўрқинчли жума”, “Ярамас қизлар” ва бошқалар. Кейин Лоҳаннинг карьераси кўп юксалишлар ва пасайишларга дуч келди. 2013 йилда “Каньонлар” фильмида бош ролни ўйнаган актриса ўз фаолиятини кичик қаҳрамонлар ролида давом эттирди. Аммо 2022 йилда Линдсига омад кулиб боқди: у “Унутилмас Рождество” фильмида бош ролни ўйнади.
Ҳью Грант
Илгари Ҳью Грант кўпинча романтик комедияларда роль ўйнаган. Бироқ “Морганлар қочмоқда” фильмида ўйнаган актёр бундай фильмлардан чарчаганини айтади.
7 йил давомида Ҳью фақат кичик ролларда пайдо бўлди. 2016 йилда у “Прима Донна” фильмида ўйнаб, яна етакчилик қила бошлади. Ҳозирда Грант фаол суратга тушишда давом этмоқда. 2023 йилда унинг иштирокида иккита фильм чиқди: “Фортуна операцияси: Ғалаба санъати” ҳамда “Енгилмас жамоа ва аждар”. Бундан ташқари, актёр “Вилли Вонка” фильмида ҳам суратга тушди.
Камерон Диас
9 йил олдин актриса кинони ташлаганди. Диаснинг сўнгги фильми “Энни” 2014 йилда чиққан. Шундан сўнг Камерон турмуш қурди ва фарзандли бўлди. 2023 йилда эса актриса туғуруқ таътилидан кейин кинога қайтишга қарор қилди. Февраль ойида уни “Яна ишга қайтиш” фильмининг суратга олиш майдончасида кўришган.
Блейк Лайвли
“Ритм бўлими” Лайвлининг сўнгги фильми 2020 йилда экранларга чиққан. Шундан сўнг Блейк фильмларда роль ўйнамади. Бу вақт ичида у 4-фарзандини дунёга келтирди ва энди кинога қайтмоқда. Лайвли мухлисларини бош ролни ўйнаган иккита лойиҳа билан хурсанд қилади: “Оддий илтимос” фильмининг давоми ва “Ҳаммаси бизда тугайди” фильми.
Маколей Калкин
1990 йилларда Маколей Калкин энг машҳур болалар актёри эди. Аммо у улғайгач, юлдузлик мақомини сақлаб қола олмади ва узоқ вақт экранлардан ғойиб бўлди. 2012 йилда Маколей Тhе Pizza Underground рок гуруҳига асос солган, аммо 2018 йилда улар тарқаб кетган. Ҳозирда Калкин яна жамоатчилик эътиборини қозонмоқда. 2019 йилда у “Қўғирчоқ” сериалида роль ўйнади ва “Американча даҳшатли ҳикоялар”нинг янги мавсумида суратга тушишни бошлади.
Майвенн
Кино ихлосмандлари Майвенни “Бешинчи элемент” фильмидаги Дива Плавалагуна ролида яхши билишади. У 26 йил олдин афсонавий ролни ўйнаган ва шундан кейин у асосан француз фильмларида иштирок этган, бу эса кенг жамоатчиликка маълум бўлмаган.
Аммо яқинда Майвенн томошабинларни янги юқори даражадаги роли билан хурсанд қилди. 2023 йил май ойида “Жанна Дюбарри” фильмининг жаҳон премьераси бўлиб ўтди, унда актриса бош қаҳрамон — қирол Людовик XV нинг маъшуқаси ролини ўйнади ва фильмга режиссёрлик қилди.
Жонни Депп
Илгари Жонни Депп ҳар йили, баъзан эса кетма-кет бир нечта фильмларда суратга тушган. Бироқ “Буюк” фильмидаги ролидан сўнг актёр “Жанна Дюбарри” (2023) фильмининг режиссёри Майвенн уни ўз фильмида бош ролни ўйнашга таклиф қилмагунча, бир мунча вақт экранларда кўринмади. Мазкур фильмда Жонни машҳур француз қироли Людовик XV ролини ижро этган.
Изоҳ (0)