Украина Қуролли кучлари бош қўмондони Валерий Залужнийнинг кабинетидан эшитиш қурилмаси топилди. Залужний ҳолат юзасидан муносабат билдирди. Бу ҳақда “РБК-Украина” хабар берди.
“Мен сизга шуни айтаман: бу бугун мен фойдаланишим керак бўлган хона эди. Кеча текширув чоғида у ердан эшитиш қурилмаси топилди”, — деди Украина армияси бош қўмондони.
Украина разведкасига кўра, кабинетда фақат битта эшитиш қурилмаси аниқланган. Разведка ушбу аппарат Қуролли кучлар бош қўмондони кабинетида эмас, балки келажакда фойдаланиши мумкин бўлган хонада топилганини билдирди.
“Менинг бир қанча ишлайдиган жойларим бор ва улардан бирида бу содир бўлди. Узоқ вақтдан бери у ерда бўлмаганман. Лекин текширдик ва топдик”, — дея қўшимча қилди Залужний.
Буни Украина Бош штабидаги кимдир қилган бўлиши мумкинми, деган саволга Залужний шундай жавоб берди:
“Йўқ, биз ‘қулоқлар’ билан узоқ вақтдан бери ишламаймиз”.
Украина Қуролли кучлари бош қўмондони мазкур воқеани “уруш” деб баҳолади.
“Бу хона аввал ҳам ишлатилган. Аммо танаффус жуда аҳамиятли эди. Шунинг учун бу менинг учрашувимга кўра тайёрланган, шекилли”, — деди Залужний.
- Ноябрь ойидан бери Украина ва хорижий оммавий ахборот воситалари Украина президенти Владимир Зеленский ва Украина Қуролли кучлари Олий бош қўмондони Валерий Залужний ўртасида эҳтимолий можарони муҳокама қилмоқда.
- Ҳаммаси Залужнийнинг The Economist газетасига берган интервьюсидан бошланди, унда бош қўмондон уруш боши берк кўчага кириб қолгани ва бир неча йиллар давом этиши мумкинлигини айтганди. Ўз навбатида, Украина президенти Залужнийнинг баҳосига очиқчасига қўшилмади ва ҳарбийлар сиёсат билан шуғулланмаслиги кераклигини айтди. Зеленский офиси мамлакат ҳарбий ва сиёсий раҳбарияти ўртасидаги бўлинишни рад этмоқда.
Изоҳ (0)