Янги йилни “Уйда ёлғиз” фильмисиз тасаввур қилиб бўлмайди. Байрам фильм суратга туширилган уйда кутиб олинса, яна яхши. Энди бунинг имкони бор. Сал аввалроқ “Уйда ёлғиз” фильмидаги Маккалистерларнинг уйи ижарага берилаётгани ҳақида эълон берилган.
“Мавсумни Маккалистерлар услубида кутиб олинг. Тарихда биринчи марта шумтакаларнинг бир жамоаси ‘Уйда ёлғиз’ ҳикояси бошланган уйда байрамни нишонлаши мумкин. Маккалистерлар таътилга кетган вақтда Базз тунни ўз болалиги ўтган уйда ўтказади”, — дейилган Кевиннинг катта акаси Базз томонидан ёзилган эълонда.
Бундай махсус таклифга Рождествога уч ҳафта вақт қолгани ва сал аввалроқ “Уйда ёлғиз”нинг олтинчи қисми “Home Sweet Home Alone” экран юзини кўргани сабаб бўлиши мумкин. Дэн Мейзер режиссёрлик қилган фильмда Элли Кемпер, Роб Дилейни ва Арчи Йейтс бош қаҳрамон ролини ижро қилган. Бироқ фильм танқид остида қолган. Эълонда Чикагодаги Америкага хос классик хонадонда 4 киши вақт ўтказиши мумкин экани айтилган. Уларга Базз Маккалистерни гавдалантирган Девин Рэтрей ҳамроҳлик қилади. Кевин образи ижрочиси Маколей Калкин эса лойиҳада иштирок этмасликка қарор қилган.
Ижарадан тушган маблағни Ла Рабида шифохонаси учун сарфлаш мўлжалланган.
Изоҳ (0)