Андижон вилоятининг Хўжаобод туманида жойлашган 17-имконияти чекланган болалар махсус интернати ўқувчилари Ўзбекистон Давлат мадҳиясини имо-ишорали нутқ ёрдамида ижро этиб беришди.
Мактабнинг якка тартибдаги машғулот ўқитувчиси Зайнабхон Орипованинг айтишича, ҳис-туйғуларни имо-ишораларда ифодалаш усуллари ўқувчиларга ёшлигиданоқ ўргатиб борилади.
“Болаларни ёшлигидан тайёрлов синфларимизда расм ва видеолар орқали қайси имо-ишоралар ва ҳис-туйғуларнинг бир-бирига мос келишини ўргатиб борамиз. Кейинчалик болалар имо-ишораларни ўзларида ҳис қилишни бошлайди”, – дейди Зайнабхон Орипова.
Маълумот учун, Ўзбекистон Давлат мадҳиясининг матни ва мусиқаси 1992 йил 10 декабрдаги “Ўзбекистон Республикасининг Давлат мадҳияси тўғрисида”ги қонуни билан тасдиқланган.
Ўзбекистоннинг Давлат мадҳияси мамлакат суверенитетининг рамзидир. Давлат мадҳиясига зўр эҳтиром билан қараш Ўзбекистон фуқароснинг ватанпарварлик бурчидир.
Изоҳ (0)