Андижон вилояти ИИБ ЙҲХБ ахборот хизмати Андижон шаҳрида автобус иштирокида содир бўлган йўл-транспорт ҳодисаси юзасидан маълумот берди.
Ижтимоий тармоқларда йўловчи ташишга мўлжалланган автобус бинога урилгани, унинг ҳайдовчиси эса маст ҳолатда тургани тасвирланган видео тарқалди.
Маълум қилинишича, воқеа 6 декабрь куни соат 23:30 ларда Андижон шаҳри Й.Отабекова кўчасида содир бўлган. 58 ёшли Б.Р. “Алпомиш мероси” МЧЖга қарашли автобус транспорт воситасини маст ҳолатда бошқариб, ухлаб қолиши натижасида бошқарувни йўқотган ва йўлнинг қатнов қисмидан чиқиб кетиб, бинога бориб урилган.
Ушбу йўл-транспорт ҳодисаси оқибатида ҳайдовчи ҳеч қандай тан жароҳати олмаган, унга нисбатан ЙПХ ходими томонидан тегишли тартибда қонуний чора кўрилган.
Аввалроқ Тошкент вилояти Олмалиқ шаҳрида автобус билан тўқнашган Cobalt ёниб кетгани, Тошкентда MAN автобуси тўхтаб турган Nexia билан тўқнашгани тўғрисида хабар берилганди.
Изоҳ (0)