Астрономлар Қуёшда коронал тешик деб номланувчи улкан қора доғ пайдо бўлганини маълум қилди. У Ерга нисбатан жуда тез ва кучли нурланишни тарқатмоқда. Бу ҳақда Space.com хабар берди.
Маълум қилинишича, плазмада ҳосил бўлган ёрилиш ғайриоддий нурланишнинг кучли оқимларини чиқаради ва Ерга йўналтирилади. Янги пайдо бўлган коронал тешик биринчи марта 2 декабрда сезилган. У ўзининг максимал кенглигига, яъни тахминан 800 минг километрга атиги 24 соат ичида эришган. 4 декабрдан бошлаб тешик тўғридан тўғри Ерга қараган. У Ердан 60 баравар каттароқ экани айтилмоқда.
Унинг улкан ҳажмини ҳисобга олиб, мутахассислар дастлаб у кучли магнит бўронини қўзғатиши мумкилигини тахмин қилган. Бироқ, кейинги кузатувларда магнит бўрони прогноз қилинганидан кучсизроқ бўлиб чиқди. Мутахассислар улкан тешик Қуёш юзасида қанча вақт қолишини ҳозирча аниқ айта олмайди. Коронал тешикларнинг олдинги кузатувлари шуни кўрсатадики, улар одатда 27 кун давом этиши мумкин.
Изоҳ (0)