“Ғарб ўз ҳукмронлигини сақлаб қолиш учун бор кучи билан ҳаракат қилмоқда” — Путин

Америка Қўшма Штатлари ва коллектив Ғарб ҳар қандай ҳолатда ҳам, биринчи навбатда, технологик соҳада ўз ҳукмронлигини сақлаб қолишни истайди, аммо бунинг иложи йўқ, деди Россия президенти Владимир Путин.

“Бугунги кунда жамоавий Ғарб, биринчи навбатда Америка Қўшма Штатлари ҳар қандай ҳолатда ҳам ўз ҳукмронлигини сақлаб қолмоқчи, айниқса, технологик соҳада. Бу мумкинми ёки йўқми? Йўқ, албатта”, — деди Путин.

Россия раҳбари Ғарбга ҳукмронликни сақлаб қолиш учун можаролар кераклигини, шунинг учун АҚШ ва унинг иттифоқчилари бошқа давлатлар ишларига фаол аралашиб, “провокациялар ва фуқаролар урушларини уюштираётганини” айтиб ўтди.

“Ғарб гегемонлиги бутун дунё учун турғунликни англатади. Бироқ замонавий кўп қутбли дунё тизимини мустаҳкамлаш орқали кескинликни камайтириш ва умумий таҳдидларни бартараф этиш мумкин. Россия янада демократик дунёни барпо этиш ва халқаро хавфсизликнинг мавжуд механизмларини такомиллаштириш йўлида қадам ташлашда давом этади”, — деди Путин.