Ҳарбий ҳаракатлар бошланганидан бери Украинага ёрдам ҳажми минимал даражага етди, деб ёзади Bloomberg Кил университети қошидаги Жаҳон иқтисодиёти институти тадқиқот маълумотларига таяниб.
Августдан октябргача ёрдам ҳажми 2,3 миллиард долларга тушди, бу ўтган йилнинг шу даврига нисбатан 90 фоизга кам дегани. Бу миқдор 2022 йил январидан бери энг паст кўрсаткич бўлди, дея хабар беради агентлик.
Bloomberg’нинг қайд этишича, Украина АҚШ, Германия, Скандинавия давлатлари ва Шарқий Европанинг айрим давлатларининг молиявий кўмагига тобора кўпроқ қарам бўлиб бормоқда. Агентликнинг қайд этишича, тадқиқот ҳисоботи АҚШ Сенати Украина ва Исроилга 110 миллиард доллар ажратиш ҳақидаги қонун лойиҳасини блоклаганидан кейин пайдо бўлган.
Бир кун аввал АҚШ президенти Жо Байден Конгрессни зудлик билан Украинага молиявий ёрдам кўрсатишни маъқуллаб, партиялараро келишмовчиликларни четга суриб қўйишга чақирди. 4 декабрь куни АҚШ Давлат департаменти спикери Метю Миллер Украинани молиялаштириш учун ажратилган маблағнинг 97 фоизи сарфланганини айтганди.
Изоҳ (0)