Франция Европа Иттифоқи даражасида ҲАМАС ҳаракатига қарши санксиялар жорий этиш ташаббусини илгари сурмоқчи.
Бу ҳақда Франция ТИВ расмий вакили Анн-Клер Лежандр брифингда маълум қилди.
“Биз ҲАМАСга қарши махсус Европа санксия режимини таклиф қилиш ташаббусини ҳам кўтарамиз”, — деди Лежандр.
Унинг таъкидлашича, Франция ташқи ишлар вазири Катрин Колонна 11 декабрь душанба куни Брюсселда бўлиб ўтадиган ташқи ишлар вазирларининг йиғилишида бу масалани кўтаради.
Лежандр Франция миллий даражада ҲАМАС етакчисига қарши чоралар кўрганини, унинг активларини музлатиб қўйганини ҳам эслатиб ўтди.
Изоҳ (0)