“Реал” футболчиси Винисиус Жуниор ирқчиликка қарши кураш бўйича баёнот берди.
Салом. Менинг исмим Винисиус Жуниор. “Реал Мадрид”да тўп сураман.
Жорий йилда инсон ҳуқуқлари умумжаҳон декларацияси қабул қилинганига 75 йил тўлди, бу тарихда муҳим воқеа ҳисобланади. Бугун биз инсон ҳуқуқларини ҳимоя қилиш бўйича мажбуриятларимизни янгилашимиз даркор.
Тарихга назар солсак, ирқчилик ва камситиш кўплаб одамларни имкониятлардан маҳрум қилиб келган, бу ҳолат, ҳатто, спортда ҳам содир бўлган. Ирқчиликка қарши бирлашиш вақти келди. Спортда ирқий камситишга тоқат қилмаслик керак. Ҳар бир ташкилот камситишлар ҳақида ҳеч қандай шартларсиз хабар бериш ва унга қарши курашиш учун мавжуд механизмлардан фойдаланиши лозим.
Жабрланувчиларни қўллаб-қувватлаш ва айбдорларни жавобгарликка тортиш керак. Биз ирқчиликка қарши таълимга сармоя киритишимиз, одамларни ўз ҳуқуқларини билишга ундашимиз ва бунда ёрдам беришимиз даркор.
Келинг, спортни ирқчилик ва камситишлардан холи бўлган инклюзивликнинг ҳақиқий намунасига айлантирайлик.
2023 йил мен учун спорт ва жамиятдаги нотўғри қарашларни йўқ қилиш учун ҳали кўп йўл босиб ўтишимиз кераклигини эслатиб турди. Менимча, ирқчиликка қарши билимлар бутун дунёда тенглик ва инсон ҳуқуқларини илгари суриш бўйича ҳаракатларимиз марказида туриши шарт.
Шунинг учун мен БМТнинг инсон ҳуқуқлари бўйича спорт элчиси сифатидаги янги лавозимимни эълон қилишдан жуда мамнунман. Бу вазифани мен ғурур, ҳаяжон ва масъулият билан ўз зиммамга оламан.
Винисиус Жуниор, “Реал” футболчиси
Эслатиб ўтамиз, жорий йилда Винисиус бир неча бор рақиб жамоа мухлислари томонидан ирқчилик билан боғлиқ ҳақоратларга дуч келди.
Изоҳ (0)