“Реал” футболчиси Винисиус Жуниор мадридликлар сафини тарк этиш истагида эмас.
UOL Esporte нашрининг хабарига кўра, бразилиялик футболчи доимий ирқчилик билан боғлиқ муаммоларга дуч келаётган бўлса-да, “Реал”дан кетишни хоҳламайди. У ирқчиликка қарши курашиб, “қаймоқранглилар” сафида тарих ёзишда давом этмоқчи.
“Винисиуснинг кетиш эҳтимоли нол. Ирқчилик муносабати кўриниши уни янада кучли қилади. Вини муваффақиятли фаолият олиб бормоқчи. Ирқчилар бунга кўникишига тўғри келади”, — дейди футболчига яқинроқ вакил.
Винисиус Жуниор “Реал” сафида аллақачон 7 та соврин қўлга киритишга муваффақ бўлган ва у жамоа билан янада кўпроқ соврин ютишни мақсад қилган.
Изоҳ (0)