Шимолий Корея етакчиси Ким Чен Ин оналар билан йиғилишдаги нутқи давомида мамлакатда туғилиш кўрсаткичи ҳақида гапира туриб, йиғлади.
Ҳодиса Ким томонидан уюштирилган Миллий оналар йиғилишида юз берди, у мамлакатда туғилиш даражасининг пасайишни тўхтатиш аёллар зиммасида эканини таъкидлар экан, йиғлай бошлади, деб ёзади ITV.
Туғилишнинг камайишини тўхтатиш, болаларга яхши ғамхўрлик ва таълим-тарбия бериш бизнинг оилавий муаммоларимиздир, уни оналаримиз билан биргаликда ҳал қилишимиз керак, — деди у ўзининг кириш сўзида.
Шимолий Кореянинг демографик тенденциялари ҳақида батафсил маълумот олиш чекланган статистика туфайли жуда қийин бўлса-да, Жанубий Корея ҳукумати Шимолий Кореяда туғилиш даражаси сўнгги 10 йил ичида доимий равишда пасайиб бораётганини тахмин қилади.
Санкцияларга учраган Пхеньян ўз иқтисодиётини сақлаб қолиш учун ишчи кучига қарам экани сабабли, туғилишнинг пасайиши мамлакат учун ташвишли.
Ким Чен Ин охирги марта 11 йил олдин аёлларни кўпроқ фарзанд кўришга чақирган.
Жанубий Корея ҳукумат статистика агентлиги маълумотларига кўра, Шимолий Кореяда туғилишнинг умумий коэффициенти ёки аёлнинг умри давомида туғилиши кутилаётган ўртача фарзандлар сони 2022 йилда 1,79 ни ташкил этди, 2014 йилда бу 1,88 эди.
Изоҳ (0)