Қирғизистон Йўл ҳаракати хавфсизлиги давлат департаменти ота-оналарни “Югур ёки ўл” ўйинидан огоҳлантирди.
Ота-оналардан фарзандларининг мобил телефонларини текшириш сўралган. Полиция “Югур ёки ўл” ўйини ёшлар орасида оммалашаётганидан огоҳлантирмоқда.
“Тасдиқланмаган маълумотларга кўра, Қирғизистон ҳудудида бундай ўйин ўтказиш ҳолатлари кузатилмаган, бироқ Қозоғистоннинг Костанай вилоятида ҳам шунга ўхшаш воқеа содир бўлган.
Биз ота-оналарни фарзандларининг мобил телефонларини текшириш ва улар билан профилактик суҳбатлар ўтказишни тавсия қиламиз. Ҳайдовчиларни ҳам йўлларда ҳушёр бўлишга чақирамиз”, — дея таъкидлади Йўл ҳаракати хавфсизлиги давлат инспекцияси матбуот хизмати.
Аввалроқ ижтимоий тармоқларда болалар ва ўсмирлар иштирокидаги хавфли ўйинлар акс этган видеолар тарқала бошлаганди. Ўйин моҳияти ҳаракатланувчи транспорт воситалари олдида йўлни кесиб ўтишга ҳаракат қилишдир.
Изоҳ (0)