“ПСЖ” Килиан Мбаппе билан шартномани узайтиришга уриниб кўради.
Франциялик ҳужумчининг клуб билан шартномаси 2024 йил ёзида ўз ниҳоясига етади. Январь ойида эса Мбаппе унга қизиққан клублар билан музокаралар ўтказиш ҳуқуқига эга бўлади.
АS нашрининг хабарига кўра, “ПСЖ” президенти Носир ал-Ҳелайфи ва Килиан музокараларни бошлашга шошилмаяпти. 2024 йилнинг дастлабки чорагида битимни узайтириш борасида суҳбат бўлиб ўтади.
Мбаппени қолишга кўндириш учун Ал-Ҳелайфида иккита асос бор.
Биринчидан, 2024 йилги Олимпиада Францияда бўлиб ўтади, шу сабабдан унинг ҳозирда Парижда тўп сураётгани унга қўл келиши мумкин, иккинчидан, Килиан Лига 1 тарихидаги энг яхши тўпурарга айланиши мумкинлиги.
Мбаппе жорий мавсум “ПСЖ” сафида 18 та ўйинда иштирок этиб, 18 та голга муаллифлик қилди.
Изоҳ (0)