АПЛ. “Арсенал” ўз майдонида “Вулверҳэмптон” устидан ғалаба қозонди (видео)

Футбол бўйича Англия Премьер Лигасининг 14-турида “Арсенал” ва “Вулверҳэмптон” жамоалари 2 декабрь, шанба куни ўзаро баҳс олиб борди.

Учрашувнинг 6-дақиқасида Букайо Сака лондонликларни ҳисобда олдинга олиб чиқди. 13-дақиқада эса Мартин Эдегор “бўрилар” дарвозасини ишғол қилди. Биринчи бўлимда бошқа гол урилмади.

Иккинчи бўлимда ҳам “канонирлар” устунлик қилди. Бироқ, 86-дақиқага келиб, “Вулверҳэмптон” ҳисобни қисқартиришга муваффақ бўлди. Матеус Куня ўз номини таблога ёздириб қўйди. 

Учрашув 2:1 ҳисобида “Арсенал” фойдасига якунланди. 

Микель Артета шогирдлари очколари сонини 33 тага етказди ва мусобақа жадвалида биринчи ўринни эгаллаб турибди. 

АПЛ

14-тур

2 декабрь, шанба

“Арсенал” — “Вулверҳэмптон” 2:1

Голлар: 1:0 – 6 Сака, 2:0 – 13 Эдегор, 2:1 – 86 Матеус Куня.

“Арсенал”: Райя, Томиясу (Уайт, 79), Габриэль, Салиба, Зинченко, Эдегор (Жоржиньо, 90), Райс, Троссард, Мартинелли (Ҳаверц, 77), Сака (Кивер, 90), Габриэль Жезус (Нкетиа, 67).

“Вулверҳэмптон”: Жозе Са (Бентли, 23), Семеду, Доусон, Килмен, Гомеш, Буэно (Доэрти, 62), Беллгард (Сарабия, 63), Дойл (Калайжич, 90), Траоре, Хван Хи Чхан, Матеус Куня.

Огоҳлантиришлар: Салиба (68), Хван Хи Чхан (88), Матеус Куня (90).