Тана терлаши нормал ҳолат — у совутиш ва детоксификация воситаси сифатида ишлайди, терлаш тананинг зарурий функциясидир.
Терлаганда одатда ўз-ўзидан ҳеч қандай ҳид келмайди. Ҳид тери микробиотасининг ҳаётий фаолияти натижасида пайдо бўлади, бу тер ва ёғ безлари секрецияларини парчалайди, учувчи ҳидли моддаларни чиқаради. Нохуш ҳид билан курашишнинг икки йўли мавжуд:
- Қўлтиқ ости нам бўлмаслиги учун тер безларини антиперспирант билан тўсиб қўйиш. Антиперспирант таркибидаги алюминий бирикмалари тер тешикларини ёпиб қўяди ва бактериялар кўпайиши учун қулай муҳит қолмайди, шунинг учун ҳеч қандай ҳид бўлмайди.
- Худди шу ҳидли бактерияларни органик дезодорант билан йўқ қилиш. У алюминийсиз, шунинг учун терлайсиз, лекин унинг таркибидаги ингредиентлар ҳидни келтириб чиқарадиган бактерияларни ўлдиради ва қўлтиқ остидаги pH даражасини мувозанатлаштиради.
Тери энг катта органимиз бўлиб, унга қўллайдиган маҳсулотларнинг аксарияти қон оқимига сингиб кетади. Тадқиқотлар алюминий асосидаги антиперспирантлардан фойдаланиш ва кўкрак саратони ўртасида тўғридан-тўғри боғлиқлик йўқлигини кўрсаца-да, организмнинг табиий жараёнларини зарарсиз сунъий равишда тўхтатиш тўғри ечим эмас. Шунинг учун тоза, токсик бўлмаган версия — органик дезодорант бу борада энг мақбул вариант.
Антиперспирантдан табиий дезодорантга ўтгандан сўнг, тана бунга мослашиши керак бўлади. Сабаби антиперспирант таркибидаги алюминий бирикмалари қўлтиқ ости тешикларнинг ҳар бирида “тиқин” вазифасини бажаради — у тер безлари тешикларини тўсиб қўйиши натижасида терлашнинг олдини олади.
Антиперспирантни қўллашни тўхтатганингиздан сўнг, одатдагидан ҳам кўпроқ терлашингиз мумкин. Мослашув даври вақтинчалик, тадқиқотлар шуни кўрсатадики, 2-4 ҳафтадан сўнг тер безларининг иши нормал ҳолатга қайтади.
Изоҳ (0)