Литва, Латвия ва Польша 28 август куни Беларусь билан чегарани ёпиш масаласини муҳокама қилади.
Ушбу мамлакатлар Беларусь билан чегарани тўлиқ ёпиш бўйича жамоавий қарор қабул қилишлари мумкин. Бу ҳақда Литва ички ишлар вазири Агне Билотайте журналистларга маълум қилди.
Унинг сўзларига кўра, бу масала 28 август куни ички ишлар вазирлари даражасида муҳокама қилинади.
“Ҳозирда чегарани ёпиш бўйича ҳаракатлар схемаси тайёрланмоқда”, — деди Билотайте журналистлар билан мулоқот чоғида.
Бугун 16 август куни эрталаб Латвия Давлат чегара хизмати Беларусь билан чегарани мустаҳкамлаш мақсадида 15 августдан бошлаб шошилинч қўшимча чегарачиларни сафарбар қилиши ҳақида баёнот берганди.
Нима учун қўшни давлатлар Беларусь билан чегарани ёпмоқчи?
Россияда Евгений Пригожиннинг исёнидан кейин “Вагнер” хусусий ҳарбий компанияси ёлланма аскарларининг бир қисми Беларусга кўчиб ўтганди. Бунга жавобан аввалроқ Польша, кейин Латвия расмийлари Беларусь билан чегарани ҳимоя қилишни кучайтирди.
Беларусга қўшни давлатлар расмийларнинг айтишича, ушбу мамлакатларда “Вагнер”га қўшилишга чақириқлар бўлган.
Изоҳ (0)