Германия иқлим ўзгариши натижасида ривожланаётган мамлакатларга етказилган зарарни қоплаш жамғармасига 100 миллион доллар (тахминан 91,5 миллион евро) ажратади.
Бу ҳақда DPA агентлиги Германиянинг иқтисодий ҳамкорлик ва ривожланиш вазири Свеня Шулзега асосланиб хабар берди.
Шулзе БААдаги COP28 саммитида иштирок этмоқда.
Иқлим ўзгаришига қарши кураш фондини яратиш тўғрисидаги қарор ўтган йили Шарм аш-Шайхда бўлиб ўтган COP27 саммитидан сўнг қабул қилинган.
Ривожланган ва ривожланаётган мамлакатлар вакиллари келишувни 2023 йил давомида ишлаб чиқдилар. Унда заиф мамлакатларга иқлим ўзгариши натижасида юзага келган қурғоқчилик, сув тошқинлари ва денгиз сатҳининг кўтарилишидан кўрилган зарарни енгишга ёрдам берадиган махсус молиявий механизм яратиш кўзда тутилган.
Изоҳ (0)