Россия эртами-кечми собиқ совет республикаларининг барчаси билан уришишга мажбур бўлади. Давлат Думаси депутати Евгений Фёдоров шундай фикр билдирди.
Депутат собиқ совет республикаларини “баҳсли ҳудудлар”, деб атади. Унинг иддао қилишича, республикаларнинг ҳар бири СССРдан “ноқонуний равишда ажралиб чиққан”. Шу сабабли эртами-кечми Россия билан низога боради ёки урушади.
“Барча собиқ республикалар эртами-кечми Россия билан конфликтга боради ёки урушади. Бу назария масаласи. Улардан баъзилари ҳозир бундай қилмайди: Беларусь. Грузия аллақачон уруш қилган, Украина (урушяпти). Бу Арманистонга ҳам тўлиқ тааллуқли”, — деди депутат.
Унинг қайд этишича, агар республикалар дипломатик йўл билан қайтарилса, ҳарбий можароларнинг олдини олиш мумкин.
“Ягона Россия” партиясидан депутат Евгений Фёдоров ўтган йили Литва мустақиллигини тан олиш тўғрисидаги қарорни бекор қилиш ташаббуси билан чиққанди. Унга кўра, қарор Литванинг НАТОга “аъзолигига қарши чиқиш имконини беради. Фёдоровнинг фикрича, мустақилликни тан олиш чоғида СССРнинг “Иттифоқ республикаси чиқиши билан боғлиқ масалаларни ҳал қилиш тартиби тўғрисида”ги қонуни бузилган, чунки Литвада совет иттифоқи таркибидан чиқиш ҳақида референдум ўтказилмаган.
Фёдоров аввалги йилларда ҳам посцовет республикаларининг мустақиллигини бир неча бор “ноқонуний” деб атаган.
Изоҳ (3)
Мияси йук , ахмок депутатлар нафакат Узбекистонда балки Россияда хам учраб туриши ачинарли. Шунинг учун хам бунаканги депутатлар билан Давлат оксокланиб ривожланади. Бу коррупциянинг меваси.
rossiyani tarafini oladaganlar borni
"NO QONINIY" chiqgan deyishdan oldin "QONUNIY" kiritish kerak edi. RUSLARNI BUXORODA QILGAN QIRGINI OZI QANDAY DAVLAT EKANLIGINI BILDIRIB TURIBDIKU.
BU DEPUTAT ODDIY (SIGNAL) OGOXLANTIRISH BILAN CHIQDI. AGRESSIV DAVLATDA BITTA ODAM BOLADI ODAMLANI ONGGIGA SINGDIRIB BORADI. OLDINDA SILARNI SHUNDAY JARAYON KUTIB TURIBDI DEGANDAY