Ўзбекистон энергетика вазири Жўрабек Мирзамаҳмудов “Дарё” нашрига эксклюзив интервью берди. Унда энергетика тизимининг қиш мавсумига тайёргарлик жараёнлари, метан заправкалардаги турнақатор навбатлар, АЭС қурилиши ва тоифаланган тўловлар ҳамда айрим нопок истеъмолчилар ҳақида сўз боради.
Вазир суҳбат аввалида Тошкент шаҳрида тарихда биринчи марта юқори кучланишли кабел ер остидан олиб ўтилганини айтиб ўтди.
“Тракторсоз подстанциясидан Тошкент Cityъгача, Юнусобод подстанциясидан Юнусобод City подстанциясигача ёки қолган ҳудудларда ҳам ерости кабелларини ётқиздик. Биринчи марта ер остининг айрим жойларида инфраструктурага зиён етказмаслик мақсадида махсус бурғалаш орқали трубаларда кабел ўтказдик”, — деди Жўрабек Мирзамаҳмудов.
Унинг маълум қилишича, келгуси 2024 йилда аҳоли учун электр энергияси бўйича тарифларни ошириш режалаштирилган.
“Табақалашнинг асосий мақсади одамларни бир оз тежашга ўргатиш. Аҳоли орасида 10 минг киловаттдан юқори истеъмол қиладиган хонадонлар бор экан. Уларнинг умумий истеъмоли Республика истеъмолининг 7-8 фоизни ташкил қилади”, — деди энергетика вазири.
Суҳбатнинг тўлиқ вариантини “Дарё”нинг YouTube каналида ушбу ҳаволи орқали томоша қилинг.
Изоҳ (0)