Ўзбекистон энерготармоғини яхшилашга бугунги кунгача 14 триллон сўмга яқин маблағ жалб қилинди. Бу ҳақда 22 ноябрь куни бўлиб ўтган Олий Мажлис Қонунчилик палатасининг “Ҳукумат соати”да энергетика вазири Жўрабек Мирзамаҳмудов маълум қилди.
Ҳукумат соатида депутат Санжар Ҳамидуллаев Тошкент шаҳар электр тармоқларини янгилаш учун сарфланган маблағ миқдори билан қизиқди.
“Тошкент шаҳар электр тармоқларини янгилаш учун қанча маблағ сарф қилинди, бу маблағ қаердан олинди ва қачон қайси манба ҳисобидан қайтариб берилади?”, — деди депутат.
Энергетика вазири ҳозирги кунда энергетика тармоғига сарфланган маблағлар нафақат Тошкент шаҳар, республика бўйича 14 триллион сўмга етганини маълум қилди. Вазирнинг қайд этишича, бу маблағлар давлат бюджети маблағлари, маҳаллий ҳокимликлар маблағлари ва кредит ресурсларидан иборат бўлди.
Импорт ускуналар, кабел, ўзимизда чиқмайдиган трансформаторларни четдан олиб келингани инобатга олиниб, кредит ресурслари олинди. Буни иқтисодиёт ва молия вазирлиги тегишли қарорида барча кўрсаткичлари, қандай қайтариш, “Ҳудудий электр тармоқлари” томонидан ўзининг молиявий оқимларида кредитларни қайтариши — ҳаммаси инобатга олинган, — деди Жўрабек Мирзамаҳмудов.
Энергетика вазири бу бўйича батафсил маълумот керак бўлса алоҳида ёпиқ хатлар билан келтириб берилишини билдирди.
Изоҳ (0)