Украинага ташриф буюрган Пентагон раҳбари Ллойд Остин Киевда бўлиб ўтган матбуот анжуманида Украина қўшинлари “оғир ва машаққатли кураш”га дуч келаётганини айтди.
“Бундай конфликтларда сеҳрли таёқча бўлмайди”, — деди Остин F-16 қирувчи самолётларини етказиб бериш жанг майдонида ўзгаришлар қилиши мумкинми деган саволга.
“F-16, HIMARS ёки бошқа техника ҳақида гапирамизми, тақдим этилган ҳарбий имкониятларга ва уларнинг интеграциясига боғлиқ бўлади. Барчаси ушбу имкониятлардан қандай фойдаланишга ва жанг майдонида керакли эффектга эришиш учун уларни синхронлаштиришга боғлиқ”, — деди Пентагон раҳбари.
Шунингдек, Остин АҚШ Украинага ҳар томонлама ёрдам беришда давом этишини таъкидлади ва Украина армияси Россия қўшинларига катта зарар етказишга муваффақ бўлгани, улар узоқ вақт давомида тиклана олмаслигини таъкидлади.
АҚШ Мудофаа вазирлиги Украинага 100 миллион долларлик янги ҳарбий ёрдам пакетини тақдим этаётганини эълон қилди. У қуйидагиларни ўз ичига олади:
- Stinger zenit комплекси учун ракеталар;
- битта HIMARS тизими ва ўқ-дорилар;
- 155 ва 105 мм калибрли артиллерия снарядлари (снарядлар сони кўрсатилмаган);
- Javelin ва АТ-4 танкга қарши тизимлари;
- ТОW ракеталари;
- уч миллиондан ортиқ патронлар.
Изоҳ (0)