АҚШ томонидан Украина учун мўлжалланган янги ёрдам пакети жанг майдонидаги ҳарбийларнинг зарур эҳтиёжлари учун мўлжалланган. Аммо Украинани узлуксиз қўллаб-қувватлаш учун Конгресс Киевга қўшимча ёрдам сўровини қабул қилиши керак. Бу ҳақда АҚШ Миллий хавфсизлик кенгаши вакили Жон Кирби маълум қилди.
У АҚШ Конгресс Украина ва Исроилга ёрдам бюджетини тўхтатиб қўйганига бир ой бўлганига қарамай, қандай қилиб янги ёрдам пакети ажратилаётгани тўғрисидаги саволга жавоб берган.
Кирбининг сўзларига кўра, 20 ноябрь куни ажратилган ёрдам пакети учун президент ваколати дастури доирасида олдинроқ ажратилган маблағлардан фойдаланилмоқда. Аммо узоқ муддатли бюджетнинг қабул қилинмаслиги АҚШ имкониятларини тобора камайтирмоқда.
“Конгрессни биз юборган қўшимча сўровларни қабул қилишга чақирамиз. Учиш-қўниш йўлаги биз кўрсатаётган ҳар бир ёрдам пакетидан кейин қисқаришни давом этмоқда”, — дейди Жон Кирби.
Шунингдек, у АҚШ мудофаа вазири Ллойд Остин Украина раҳбарияти билан учрашувда АҚШ мамлакатини қўллаб-қувватлашни давом эттиришини айтганини таъкидлаган. Кирбининг айтишича, келгуси авлод учун ҳозирдан қарор қабул қилиш муҳим.
Изоҳ (0)