Ғазода яшаш жойини ташлаб кетганлар сони 1,7 миллионга етди — БМТ

Ғазо секторидаги ўз яшаш жойини ташлаб кетганлар сони 1,7 миллион кишига етди, дея хабар берди БМТнинг Гуманитар масалаларни мувофиқлаштириш бошқармаси ўз сайтида.

“Ғазода 1,7 миллиондан ортиқ одам бошқа жойга кўчирилган, шу жумладан, 900 мингга яқин киши БМТнинг Фаластинлик қочқинларга ёрдам бериш ишлари агентлиги томонида ташкил қилинган 154 та бошпанада истиқомат қилмоқда”, — дейилади БМТнинг Гуманитар масалаларни мувофиқлаштириш бошқармаси расмий сайтидаги хулосада. 

Таъкидланишича, ҳозирда мазкур бошпаналарда уларнинг сиғимидан кўпроқ одам яшамоқда. Келувчиларнинг давом этаётгани бошпаналар муаммосини янада кучайтирмоқда.

Аввалроқ Исроилнинг Ғазо секторига уюштирган ҳужумлари оқибатида ҳалок бўлганлар сони 12,3 минг кишидан ошгани хабар қилинганди.