Россияда 2,3 мингдан ортиқ украиналик асирликда қолмоқда. Бу ҳақда Киевда Реинтеграция вазирлигида бўлиб ўтган комиссия йиғилишида маълум қилинди.
Украина бош вазири ўринбосари Ирина Верешук раислигида ўтказилган комиссия иши якунларида айтилган маълумотларга кўра, озодликдан маҳрум қилиш факти 4337 нафар киши (3574 нафар ҳарбий ва 763 нафар фуқаро)га нисбатан аниқланган — улардан 1953 нафари асирликдан озод этилган.
2022 йил 19 ноябрда тузилган комиссия таркибига 18 киши (шундан 5 нафари жамоат ташкилотлари вакиллари) киради. Бугунги кунга қадар комиссиянинг 8 та йиғилиши ўтказилган. Уларнинг натижаларига кўра, тегишли маълумотлар Россиянинг Украинадаги ҳарбий ҳаракатлари натижасида эркинликдан маҳрум қилинганлик факти аниқланган шахсларнинг ягона реестрига киритилади. Рейестр администратори Реинтеграция вазирлиги бошқарувига кирувчи Миллий ахборот бюроси ҳисобланади.
Натижаларга кўра, Реинтеграция вазирлиги бир марталик ва йиллик давлат пул ёрдамини тўлайди. Шу тариқа, 2023 йил бошидан бери асирликдан озод қилинган одамларга, шунингдек, ҳарбий асирлар, гаровга олинганлар ва сиёсий маҳбусларнинг оилаларига 422 миллион гривна (тахминан 11 миллион евро) тўланган.
Изоҳ (0)