АҚШнинг OpenAI компанияси бош директори Сем Алтман истеъфога жўнатилди. Директорлар кенгаши компания раҳбари кенгаш билан муносабатда “ростгўй бўлмагани” учун шу каби қарорни қабул қилган. Гап айнан нима ҳақида кетаётганига аниқлик киритилмаган.
“Жаноб Алтманнинг кетиши кетишига директорлар кенгаши томонидан кўриб чиқилган жараён якунидаги хулоса сабаб бўлди. У кенгаш билан муносабатда доим ҳам рўстгўй бўлмаган, бу эса унга ўз мажбуриятларини бажаришга тўсқинлик қилган. Кенгаш у эндиликда OpenAI’га раҳбарилик қила олишига ишонч йўқ”, — дейилади компания хабарида.
Бош директор вазифасини вақинча компаниянинг технологиялар бўйича директори Мира Мурати бажариб турди. Хабарда айтилишича, “доимий ворисни қидириш ишлари амалга оширилмоқда”.
OpenAI компаниясига 2015 йилда асос солинган. У сунъий интеллектни ўрганиш билан шуғулланади. Компания ChatGPT чат-боти асосланган GPT тил моделлари авлодини яратгани билан машҳур. Унинг асосчиларидан бири Илон Маск бўлиб, кейинчалик у манфаатлари тўқнашуви сабаб директорлар кенгашидан кетган эди. 2019 йил Microsoft компанияга 1 миллиард доллар сармоя киритганди.
Сем Алтман ҳам OpenAI асосчиларидан бири ҳисобланади. У компанияга 2020 йилдан бери раҳбарлик қилиб келаётган эди. Унга қадар Y Combinator бизнес-инкубатори раҳбари бўлган.
Изоҳ (0)