Украина бош прокурори Ирина Венедиктованинг айтишича, Украинада россиялик ҳарбий асирлар учун лагерлар ташкил этилган.
«Шундай лагерлар бор, чунки Женева конвенцияси буни талаб қилади. Уларга ҳатто ўзимизнинг йигитлар билан деярли бир хил даражада тиббий ёрдам кўрсатилмоқда», — деди у BBC’нинг Украина хизматига берган интервьюсида. Прокурор «деярли бир хил даражада» дегани нимани англатишига изоҳ бермаган.
«Мен ўта очиқ бўлишимизни истайман. Биз халқаро гуманитар ҳуқуқ, миллий қонунчилигимиз доирасида ишладик ва кейинчалик саволлар туғдирадиган бирорта чегарани кесиб ўтмадик», — таъкидлади Венедиктова.
19 март ҳолатига кўра, Украинада 562 нафар россиялик аскар асирда, деди Украина бош вазирининг ўринбосари Ирина Верешук ва бу маълумотлар тўлиқ эмаслигини таъкидлади. Унинг сўзларига кўра, мингга яқин россиялик ҳарбийлар асирга олингани ҳақида аввал берилган маълумотлар ҳақиқатга яқин.
Украина президенти офиси раҳбарининг маслаҳатчиси Алексей Арестович март ойи бошида Украинада россиялик маҳбуслар учун лагерлар яратиш режалари ҳақида гапириб, «энди уларни қўлга олинган сифатида ёки ҳибсда ушлаб туришнинг иложи йўқлигини» тушунтирганди.
Мавзуга доир:
- Мелитопол мери Россия ҳарбийларининг қўлида асирликдаги вақти ҳақида гапирди. У тергов изоляторида ушлаб турилган ва «саводсизларча ёзилган» ҳужжатларни имзолашга мажбур қилинган
- Украинадаги 20 кунлик урушда 7 мингдан ортиқ рус аскари ҳалок бўлди. Бу Американинг Ироқ ва Афғонистондаги 20 йиллик йўқотишларидан кўп — АҚШ разведкаси
- БМТ: Украинада 24 февралдан бери 816 нафар тинч аҳоли ҳалок бўлди
Изоҳ (0)