Малика Шарлотта — Британия қироллик оиласининг аъзоси, Кейт Миддлтон ва шаҳзода Уилямнинг ягона қизи. Елизавета II вафотидан кейин 8 ёшли қизалоқ отаси ва акасидан кейин Британия тахтининг учинчи вориси бўлди. Оиладаги бундай мавқега қарамай, Шарлотта дунёдаги энг бой бола бўлиб, ҳатто бир кун қирол бўлиш эҳтимоли кўпроқ бўлган шаҳзода Жоржни ҳам ортда қолдиради. Шарлоттанинг пули йўқлигини ҳисобга олсак, буни қандай тушуниш мумкин?
Вояга етмаганлиги сабабли малика шахсий бойликка эга эмас. Бироқ хорижий ОАВ хабарларига кўра, Шарлоттанинг бойлиги 3,6 миллиард фунт стерлингни ташкил этади. Журналистлар тадқиқотига кўра, бундай даромад маликанинг онаси Кейт Миддлтон туфайли пайдо бўлган. “Кейт Миддлтон эффекти”ига кўра, Кембриж герцогиняси ўша пайтда омма олдига нима кийиб чиқса, у дарҳол сотилиб кетади. Шарлоттада худди шундай тенденция кузатилди — фақат болалар кийимида. Ва бу таъсир жуда катта миқдорда баҳоланади.
Ёш малика оч пушти рангдаги кўзойнак, мойчечак гулли ёки чизиқли кўйлакда омма олдига чиқиши биланоқ барча дўконларда тугайди. “Қизиғи шундаки, малика Шарлоттанинг бойлиги 2021 йилдан бери 12 фоизга камайди, бироқ у ҳали ҳам бир кун келиб қирол бўладиган акаси шаҳзода Жорждан олдинда”, — дейди қўшимча тадқиқотлар олиб борган Electric Ride on Cars нашри.
Вақт ўтиши билан Шарлотта тенденцияларга янада кўпроқ таъсир қилишига ҳеч ким шубҳа қилмайди. Эҳтимол, бир кун қироллик маликаси ҳам бўлар — ҳозирда малика Аннагина бу унвонга эга. Бу шуни англатадики, Кейт Миддлтоннинг ягона қизи қироллик оиласида катта таъсирга эга бўлади.
Қироллик маликаси — Британия монархи томонидан катта қизига бериладиган унвон. Бир вақт ичида фақат битта малика мазкур унвонга эга бўлиши мумкин ва у умрининг охиригача бу унвонни сақлаб қолади.
Изоҳ (0)