Томошабинларнинг аксарияти машҳурлар қизил гиламга қадам қўйишдан аввал муваффақият ва камера чақнашлари учун нималарни қурбон қилишлари ҳақида деярли ҳеч қандай маълумотга эга эмас.
Бред Питт
Морган Фриман ва Бред Питт иштирокидаги “Етти” триллери суратга олиш жараёни жароҳатларсиз ўтмаган. Бред Питтнинг қаҳрамони жароҳат олиши керак эди, лекин актёр чеккан азобчалик эмас.
Питт суратга олиш пайтида йиқилиб, қўлини жароҳатлайди. Қўли йиртилиб кетганини кўрган сценарий муаллифлари, ўз навбатида, Голливуд юлдузининг жароҳатини кадрга муҳрлашади. Айнан шундай оғриқлар билан улар машҳур бўлишади.
Шарлиз Терон
Шарлиз Тероннинг қорин мушаклари ёрилиб кетганини билармидингиз? “Менга суратга олиш пайтида одамларга бақириш ёқарди. Аммо “Оппоғой ва овчи” фильмида шунчалик кўп бақирганманки, мен илгари борлигини ҳам билмаган қорин мушакларим ёрилиб кетган”, — дейди Терон.
Актриса шу қадар даҳшатли оғриқни бошдан кечирадики, ҳатто қимирлай олмайди. Натижада суратга олиш жараёни тўхтатилади.
Жорж Клуни
Клуни “Суриялик” триллерининг суратга олиш жараёнида жуда қийналади. У “Оскар” мукофотини тер ва қон орқали қўлга киритади, чунки актёр бу роль учун жуда кўп қурбонликлар қилади.
Жорж Клуни режиссёрнинг илтимосига кўра 10 килога озади, кейин эса белини шикастлаб, бошидан жиддий жароҳат олади. Боши шунчалик оғриганидан актёр ‘инсульт бўлиб қолдим’ деб ўйлайди.
Жерар Батлер
“300 спарталик” фильмини эслайсизми? Маълум бўлишича, фильмни суратга олишдан сўнг Батлер бел оғриғидан азият чеккан, шу сабабдан у оғриқ қолдирувчи воситалар қабул қила бошлаган. Аммо бу муаммонинг ярми холос.
Юлдузда таблеткаларга қарамлик пайдо бўлади. Натижада узоқ муддатли даволаниш ва гиёҳвандлик бўйича мутахассисларга мурожаат қилади. Мутахассис Жерар Батлерга муаммони енгишга ёрдам беради.
Женнифер Лоуренс
Агар бир ҳафта давомида эшитмай қолсангиз, нима қилган бўлардингиз? Дарров шифокорга югурасизми? Аммо Женнифер Лоуренс бунга унчалик аҳамият бермайди.
Голливуднинг етакчи актрисаларидан бири “Ҳаёт-мамот” франшизасида Катнисс Эвердин роли билан фахрланади. Аммо актриса суратга олиш пайтида орттириб олган қулоқ инфекцияси туфайли бир ҳафта давомида эшитмаганлигини кўпчилик билмайди.
“Трюкни бажариш учун аввалига сувга сакрашим керак эди, бу эса қулоқ инфекциясини келтириб чиқарди. Кейин мен сув оқимига сакрашга мажбур бўлдим ва тўлқинлардан бири қулоғимга тегиб, қаттиқ овоз чиқарди. Натижада бир ҳафта давомида кар қилиб қўйди. Лекин мен даҳо бўлганим учун шифокорга бормадим”, — деб эслайди Женнифер.
Кичик Роберт Дауни
Бир куни актёр “Темир одам 3” фильми суратга олиш майдончасида якка ўзи каскадёрлик қилишга қарор қилади ва тўпиғидан жиддий жароҳат олади. Суратга олиш жараёнининг бир кунга тўхтаб қолиши ижодкорларга қимматга тушади, шунинг учун улар ҳар доим дублёр хизматидан фойдаланади. Албатта, Жеки Чанни истисно қилган ҳолда.
Изоҳ (0)