2000 йиллар сериал ва фильмларидаги бола актёрларни эслайсизми? Қизиқ, улар ҳозир қандай кўринишда?
Эшли ва Мери-Кейт Олсен
Бу опа-сингиллар 90 йилларнинг охирида ўзларининг жозибаси билан Голливудни портлатиб юборишди. Эшли ва Мери-Кейт кўплаб лойиҳаларда иштирок этишган, реклама роликларида рол ўйнашган ва ҳатто мультфильмларда овоз беришган. Ҳозирда эгизаклар ўрнини синглиси Элизабет эгаллади, у ҳам томошабинлар қалбини забт этди ва ҳали кино карьерасидан воз кечмоқчи эмас.
Линдси Лоҳан
Бу мафтункор малласоч қиз умуман ўзгармаганга ўхшайди. Линдси болалигида томошабинларнинг эътирофига сазовор бўлиб, юлдузлар дунёсига киришга муваффақ бўлди. Актриса бир неча йиллардан бери фильмларда суратга тушмайди. Бунинг сабаби оила бўлиши мумкин, чунки Лоҳан яқинда фарзандли бўлди.
Зендая
Актрисага болалар шоулари ва телесериаллари машҳурлик келтирди. Кичкина Зендая дарҳол омманинг севимлисига айланди. Айтганча, ҳозирда актриса ҳар қачонгидан ҳам машҳур. Яқинда у “Дюна”, “Ўргимчак одам: Уйга йўл йўқ”, “Эйфория” ва бошқа йирик лойиҳаларда рол ўйнади.
Маколей Калкин
Ҳеч бир Янги йил бу малласоч болакайсиз ўтмайди. Бироқ “Уйда ёлғиз” фильми юлдузининг машҳурлиги узоқ давом этмади. Боланинг агенти бўлган отаси ўғлининг суратга тушиши учун жуда катта пул сўраган. Шу сабабли продюсерлар бола билан шартнома тузишни тўхтатади. Калкин эса муаммолардан қочишнинг энг осон йўли — ичкиликка берилиб кетади. Камига бир неча йиллар давомида актёр гиёҳвандликка қарам бўлиб қолди, аммо севги уни нормал ҳаётга қайтаришга муваффақ бўлди.
Жош Хатчерсон
Қизиғи шундаки, Жош ҳеч қачон санъат институтида ўқимаган. Кичкина набирасининг иқтидорини пайқаган бобоси уни кастингга олиб боради. Бола машҳурлик чўққисига чиққанида 10 ёшга ҳам тўлмаган эди. Ҳозирда Жош продюсерликка кўпроқ эътибор қаратмоқда.
Эйса Баттерфилд
Энг жозибали британиялик актёрлардан бири болалигиданоқ санъатга қизиқади. Ёш истеъдод соҳибининг иқтидори дарҳол сезилиб, уни кастингларга таклиф қилишади. Эйсанинг ижодий йўли шу ерда бошланган. Охирги тўрт йилдан буён актёр янги сериал билан банд.
Изоҳ (0)