U-17 Жаҳон Чемпионати. Ўзбекистон ёшлари Испанияга қарши ўйинда 2 та гол фарқини йўққа чиқариб, дуранг қайд этди

Футбол бўйича U-17 Жаҳон Чемпионати гуруҳ босқичи 3-турида Ўзбекистон ёшлари 16 ноябрь, пайшанба куни Испанияга қарши баҳс олиб борди.

Учрашувнинг дастлабки 20 дақиқасида испанлар ҳужумкорлик намойиш этиб, 2 та гол урди. Дастлаб, 10-дақиқада Игор Оёно ҳисобни очган бўлса, 19-дақиқада Роберто Мартин испанларнинг иккинчи голига муаллифлик қилди. Биринчи бўлим сўнгида Беҳруз Шукуруллаев ҳисобни қисқартиришга муваффақ бўлди. 

Иккинчи бўлимда эса ўзбекистонликлар фаоллик кўрсатди ва ҳисобни тенглаштирди. 53-дақиқада Каримовнинг узатмасидан сўнг Амир Саидов дарвозани ишғол қилди. Бироқ, ўйиндан ташқари ҳолат борлигига шубҳа қилиниб, ҳакам ВАРга мурожаат қилди. ВАР эса голни инобатга олди. 

Учрашув 2:2 ҳисобида якунланди ва Ўзбекистон очколарини 4 тага етказиб, B гуруҳида 3-ўринни банд этди. 

Эслатиб ўтамиз, Ўзбекистон U-17 терма жамоаси 1-турда Малига йирик ҳисобда имкониятни бой бериб қўйганди. 2-турда эса Канада 3:0 ҳисобида таслим этилганди. 

U-17 Жаҳон Чемпионати

3-тур баҳси

16 ноябрь, пайшанба

Ўзбекистон U-17 – Испания U-17 2:2

Голлар: 0:1 — 10 Игор Оёно, 0:2 — 19 Роберт Марин, 1:2 — 45+4 Беҳруз Шукуруллаев, 2:2 — 53 Амир Саидов.

Ўзбекистон U-17: 21. Муҳаммадюсуф Собиров, 4. Беҳрузжон Каримов (18. Жасур Ҳикматуллаев, 56) 5. Азизбек Тўлқинбеков, 7. Лазизбек Мирзаев, 8. Беҳруз Шукуруллаев, 9. Амирбек Саидов (14. Шодиёр Шодибоев, 86), 13. Беҳруз Жуматов, 16. Муҳаммадали Реимов, 17. Оллаберган Каримов (3.Яҳё Ўринбоев, 86), 19. Шерзод Абдулбориев, 20. Дилшод Абдуллаев.

Испания U-17: 1. Рауль Хименес, 4. Ён Мартин, 7. Пабло Лопес (19. Даниэль Янез, 64) 8. Роберто Мартин, 11. Пеио Хуэстамендиа (20. Яго Пауло, 74) 12. Игор Оёно (9. Марк Гуиу,79) 14. Изан Мерино, 15. Андрес Куэнка, 16. Марк Бернал (8. Пау Прим, 64), 17. Оскар Меса, 18. Куим Жунент (10. Хуан Эрнандес, 64).

Огоҳлантириш: Ён Мартин (47).