Футбол бўйича U-17 Жаҳон Чемпионати гуруҳ босқичи 1-турида Ўзбекистон ёшлари 10 ноябрь, жума куни Малига қарши баҳс олиб борди.
Учрашувнинг 30-дақиқасида Мамаду Думбия ҳимоячиларнинг хатосидан унумли фойдаланиб, дарвозани ишғол қилди. Биринчи бўлим Малининг устунли билан якунланди.
Иккинчи бўлимда Африка жамоаси бир қанча вазиятларни яратди. 72-дақиқада эса Ўзбекистон дарвозаси томон пенальти белгиланди. Уни Думбия голга айлантирди. Орадан 3 дақиқа ўтиб, Думбия яна бир бор дарвозани ишғол қилиб, ҳет-трикни расмийлаштирди. Қолган дақиқаларда гол урилмади ва Мали 3:0 ҳисобида ғалаба қозонди.
Шу тариқа Ўзбекистон U-17 терма жамоаси мусобақани мағлубият билан бошлади.
B гуруҳининг иккинчи ўйинида Испания ва Канада ўзаро баҳс олиб боради. Учрашув 17:00 да старт олади.
U-17 Жаҳон Чемпионати
1-тур баҳси
10 ноябрь, жума
Мали U-17 – Ўзбекистон U-17 3:0
Голлар: 1:0 — 30 Думбия, 2:0 — 72 Думбия (пенальти), 3:0 — 75 Думбия.
Мали U-17: 1. Бурама Kone, 2. Муса Траоре, 5. Исса Траоре, 3. Ҳамиду Макалу, 4. Сулаймон Санаго (18. Муса Диоп, 89), 6. Секу Koнe, 10. Анге Тиа Мартиал (14. Усмон Тиэро, 74), 15. Бае Кулибали, 11. Иброҳим Канате, 17. Мамаду Думбия (9. Салиф Лиэнту, 89), 8. Усмон Диарра (19. Муҳаммад Баррий, 89).
Ўзбекистон U-17: 21. Муҳаммадюсуф Собиров, 19. Шерзод Абдулбориев, 20. Дилшод Абдуллаев, 6. Озодбек Ўктамов (15. Озодбек Эргашов, 53), 13. Беҳруз Жўматов, 5. Азизбек Тўлқинбеков, 3. Яҳё Ўринбоев (16. Муҳаммадали Реимов,46), 17. Оллаберган Каримов (18. Жасур Ҳикматуллаев, 85) 9. Амир Саидов, 14. Шодиёр Шодибоев (11. Қувончбек Абраев, 85), 7. Лазизбек Мирзаев.
Изоҳ (0)